ჰენრიეტა იუსტინსკაია
საკონტაქტო ინფორმაცია

თბილისის სახელმწიფო სამხატვრო აკადემიის პროფესორი ჰენრიეტა იუსტინსკაია წარმატებით მოღვაწეობს მონუმენტურ–დეკორატიული ხელოვნების კათედრაზე. თავისი მოღვაწეობის თითქმის ორი ათეული წლის განმავლობაში მან აღზარდა მრავალი მხატვარი მონუმენტალისტი, ასისტენტ–სტაჟორი.

ქალბატონი ჰენრიეტა არის საქართველოს დამსახურებული მხატვარი, ხელოვნებათმცოდნეობის კანდიდატი. იგი არის მრავალი გამოფენის მონაწილე საქართველოში და მის ფარგლეფს გარეთ. სამოციანი წლების დასაწყისში მან შექმნა პირველი ვიტრაჟები საქართველოში. გაფორმებული აქვს მრავალი არქიტექტურული ობიექტი, როგორიცაა: ვიტრაჟი რესტორან “ივერიას” ჰოლში მოსკოვთან, რესტორანი “ბიჭვინთა” ბიჭვინთაში, ვიტრაჟი "მედიცინა" მარნეულის კლინიკურ საავადმძოფოში, მოზაიკა მეტალურგიის ინსტიტუტის ჰოლში თბილისში, სანატორიუმების კომპლექსი “ტყის ტბა” მოსკოვთან და მრავალი სხვა ობიექტი აზერბაიჯანსა და უკრაინაში.

90-იან წლებში ქ–ნი ჰ.იუსტინსკაია მუშაობს ფერწერაში. მისი მრავალი ნამუშევარია კერძო კოლექციებში პოლონეთში, კანადაში, მოსკოვში და სხვა.

ჰ. იუსტინსკაია არის ავტორი მონოგრაფიებისა “იან მატეიკო”, “თანამედროვე ქართული ჭედურობა”, “პოლონელი მხატვრები საქართველოში” და მრავალი სტატიისა ჟურნალებში საქართველოში და მის ფარგლებს გარეთ.

მისი თაოსნობით 1999 წელს ხელოვნების მუზეუმში და 2001 წელს სურათების ეროვნულ გალერეაში მოეწძო პოლონელი მხატვრების ნამუშევართა გამოფენა, რომლებიც ცხოვრობდნენ და მოღვაწეობდნენ საქართველოში და რომელთა ნამუშევრები დაცულია საქართველოს მუზეუმში და კერძო კოლექციებში.


საკონტაქტო მისამართი,
 ელ.ფოსტა:  E-mail: This e-mail is protected from spam-bots. To see it you have to enable JavaScript.